قصتي مع البحث عن كيبورد للماك – ثلاث شهور من التعب!
البداية: أبي كيبورد للماك
من ثلاث شهور قررت أضبط مكتبي وأشتري كيبورد لاسلكي يتماشى مع الماك. ليش؟ لأني ما أحب الأسلاك والفوضى. طبعًا أول شي فكرت فيه هو كيبورد أبل، بس لما شفت السعر قلت: “وين قاعدين؟ غالي بشكل مو طبيعي!” اغلى من 60 دينار كويتي
فقررت أبدأ رحلة البحث عن بديل عملي وسعره مناسب.
رحلة المحلات: ماكو فايدة!
أول شي رحت أدور بالمحلات، يوميًا بعد الشغل. أدخل المحل وأسأل:
– “عندكم كيبورد للماك؟”
– “أبي شي مريح وعملي.”
– “متوفر بالأبيض؟”
كانت الردود دايمًا نفس الشي:
– “ما عندنا اللي يدعم الماك.”
– “اللون اللي تبيه مو متوفر.”
– “الكيبورد هذا زين بس مو مريح.”
كل مرة أطلع من المحل وأنا خالي الأمل.
البحث أونلاين: شوية أمل
بعدين قلت خلني أجرب أبحث أونلاين. دشيت مواقع التسوق المحلية والعالمية، من أكسايت إلى أمازون وكل اللي بينهم. أقارن الأسعار والمواصفات كل يوم، بس نفس القصة: يا غالي، يا المواصفات مو زينة، يا اللون اللي أبيه مخلص.
المصيبة اني طلبت مرتين و كان الكيبورد سيء جدا و اتضريت اني ارجعهم و لفت الترجيع صعبة و عوار راس لين خلصتها.
وصلت مرحلة حسيت إن مالها نهاية هالقصة، وقلت يمكن لازم أتنازل وأخذ أي كيبورد والسلام.
الحل: أخيرًا لقيت اللي أبيه!
بيوم وأنا أتصفح موقع الكترونيات الغانم (اكسايت)، شفت كيبورد Logitech K650 Signature. صراحة كان حل مثالي:
– يدعم الماك بالكامل.
– تصميمه مريح وأنيق.
– متوفر باللون الأبيض والأسود.
قلت: “هذي فرصتي!” بس طبعا تجاربي السابقة ما تخليني أفرح بسهولة…
الدراما: خايف ما يكون عملي
لما شفت كيبورد Logitech K650 Signature على موقع أكسايت، حسيت إنه هو اللي كنت أدور عليه، بس صراحة كنت متردد: “هل فعلاً عملي مثل ما يبين بالمواصفات؟ هل راح يناسب الماك بشكل كامل؟”
ما كنت أبي أطلبه أونلاين وأتفاجأ بعدين، فقررت أروح للغانم بنفسي وأجربه. رحت الفرع وأنا متحمس ومتوتر بنفس الوقت. دخلت، وما لقيت الكيبورد معروض ، طلبت منهم انه يفتحون لي واحد عشان اجربه و الحمد لله وافقو . قعدت أجرب الكتابة عليه، أشوف تجاوبه، وأتأكد إنه يدعم كل الاختصارات اللي أحتاجها بالماك.
بصراحة، أول ما جربته، حسيت إنه الكيبورد هذا فعلاً مريح وعملي. على طول قلت للموظف: “هذي هو اللي أبيه!” وشريته بنفس اللحظة وأنا مرتاح.
النهاية: يستاهل التعب
رجعت البيت وفتحته، ومن أول استخدام عرفت إن تعبي ما كان على الفاضي. الكيبورد مريح جدًا، تصميمه أنيق، وأحس إنه استثمار يستاهل كل دقيقة قضيتها بالبحث.
إذا أنت تدور كيبورد للماك، لا تضيع وقتك مثلي. Logitech K650 Signature هو الخيار المثالي، سواء بالأبيض أو الأسود، ومتوفر عند أكسايت.
وهذا رابط طلب المنتج : https://www.xcite.com/ar-KW/logitech-k650-signature-bluetooth-en-ar-keyboard-white/p
