امثال كويتية

نا هي الامثال الشعبية :
تقال الأمثال الشعبية لانها من أبرز عناصر الثقافة الشعبية فهي مرآة لطبيعة الناس ومعتقداتهم، لتغلغلها في معظم جوانب حياتهم اليوميه، وتعكس المواقف المختلفة،بل تتجاوز ذلك أحياناً لتقدم لهم انموذجاً يُقتدى به في مواقف عديده، والامثال تساهم في تشكيل أنمـاط اتجاهات وقيم المجتمع

سأقدم لكم اليوم البعض من الامثال الشعبية الكويتية

 

–         أخذنا بشراع ومجداف

–         أكل ومرعى وقلة صنعى

–         أعمل طيب وأرميه بحر

–         أطعم الفم تستحى العين

–         أذا موعاجبك أشرب من ماي البحر

–         أغواصة أول يوم

–         أنطر يا حمار لين يجيك الربيع

–         اللي راح الحداق لقى أيدامه واللي يلس في البيت لقى الندامه

–         البحر ماله أمان

–         الشيص في الغبه حلو

–         الطول طول نخله والعقل عقل صخله

–         الحي يحييك والميت يزيدك غبن

–         الجايات أكثر من الرايحات

–         الجود من الموجود

–         الفرس من خيالها والحرمة من ريالها

–         أقول تيس يقول حلبه

–         أحر ماعندي أبرد ماعنده

–         أكبر منك بيوم أعلم منك بسنة

–         أسأل مجرب ولا تسأل طبيب

–         أيد واحدة ما تصفق

–         أستر على ما واجهت

–         أذا شفت صاحبك عسل لا تلحسه كله

–         أتعلم التحسونة في روس القرعان

–         أذا طاح الجمل كثرة سكاكينه

–         إذا بغيت صاحبك دوم حاسبة كل يوم

–         القلوب شواهد

–         إذا فات الفوت ماينفع الصوت

–         الجار قبل الدار

–         اذا حاجتك عند الكلب قوله يا حجي كلبان

–         إذا حجت البقر على قرونها

–         إذا جاكم الطارش قضبوه

–         أش حادك يا المسمار قال المطرقة

–         أقبض من دبش

–         إذا دليت البدوي على باب بيتك وسع الباب لبعيره

–         أكل ما تشتهي والبس على ما يشتهي الناس

–         أن طاعك الزمان والا طيعه

–         العين ما تعلى على الحاجب

–         الباب اللي يجيك منه الريح سده وستريح

–         الذيب ما يهرول عبث

–         اللي في الجدر يطلعه الملاس

–         اللي مو على دينك ما يعينك

–         اللي ما يطيع يضيع

–         اللي يستحى من بنت عمه ما يجيب منها عيال

–         اللي ما يعرف الصقر يشويه

–         اللي ماله أول ماله تالي

–         اللي هذا أوله ينعاف تاليه

–         اللي يجي من الله حياه الله

–         الوجه من الوجه أبيض

–         القطو العود ما يتربى

–         اللي ما يعرفك ما يثمنك

–         أقضب مجنونك لا يجيك أجن منه

–         طقعة بسوق الصفافير ضايعه

–         أحبك يا نافعي لو كنت عدوي

–         بيت النوخذة ما يخلى من السمج

–         بو طبيع ما يوز من طبعه

–         بغاها طرب صارت نشب

–         بغي يكحلها عماها

–         بغيناه عون صار فرعون

–         تجيك التهايم وأنت نايم

–         تموت الدجاجة وعينها على السبوس

–         حاميها حراميها

–         حشر مع الناس عيد

–         حط فلوسك بالشمس وأقعد بالذلال

–         حلاة الثوب رقعته منه وفيه

–         حاسدين الفقير على موتة اليمعه

–         خبز خبزتيه يا الرفله أكليه

–         دفعة مردي والهوا شرجي

–         راعي النصيفة سالم

–         ربي يريوك يا كلك

–         رزيته مع العواميد وانثنى مع الرماح

–         رزق القطاوة على الخاملات

–         زرع الميانين يطلعه رب العالمين

–         صمخ النواخذه

–         طارت الطيور برزاقها

–         طقاق روحه ما يصيح

–         عومه مؤكولة ومذمومه

–         عندك تاكل قال لأ عندك تغرم قال أيه

–         عتيج الصوف ولا يديد البريسم

–         عط الخباز خبزك ولو أكل نصه

–         عمره ما تبخر تبخر وأحترق

–         فال الله ولا فالك

–         عريان لايث على امفصخ

–         علمناهم على الطراره سبقونا على البيبان

–         كل هوا وله شراع

–         كل عود فيه دخان

–         كثرة الدق يفج اللحام

–         كلا يعصد عصيدته ويقوم بمصيبته

–         لو كل من يا ونجر ما تم في الوادي شجر

–         لي حبتك عيني ما ضامك الدهر

–         لا تأمن فأر شحمه

–         لا يغرك شراعه تراه سماري

–         لو فيه خير ما خلاه الطير

–         لا تسرف لو من البحر تغرف

–         مب كل من غاص قال أنا غيص

–         مال عمك لا يهمك

–         مد رجولك على قد لحافك

–         ما يحك ظهيرك غير ظفيرك

–         مداح نفسه يبيله رفسه

–         ما أردى من المربوط الا المفتلت

–         مكسورة وتبرد

–         ما يمدح السوق الا من ربح فيه

–         من طول الغيبات ياب الغنايم

–         من حسبني فايدة حسبته راس مال

–         ما للصلايب الا أهلها

–         مر على عدوك منكسي ولا تمر عليه شبعان

–         نوم الظالم عباده

–         هذا سيفوه وهذي خلاجينه

–         يا من شراله من حلاله عله

–         يدخل عصه بشي ما يخصه

–         يفوتك من الجذاب صج وايد

–         يود مينونك لا يجيك أين منه

–         يود الحبه ويفلت الدبه

–         ياك الموت يا تارك الصلاة

–         ياغافلين لكم الله

–         يا دهينة لا تنكتين

–         يا شين السرج على البقر

–         مالك الا خشمك لو كان عوي

–         مخروش طاح بكروش

–         كل بقلبه شقا اللي له

–         يموت الزمار وايده تلعب

–         لا تكثر الدوس ياخلي يملونك لا أنت ولدهم ولا طفل يربونك

–         الطيب مع الطيب تجارة والطيب مع الردي خسارة